Immobilia

Sot, një ndër fushat me probleme të shumta në Kosovë padyshim është abuzimi në lëmin e qarkullimit të pronës së paluajtshme. Kjo formë e abuzimeve është karakteristike sidomos për shtetet që janë në tranzicion, ku bënë pjesë edhe Kosova.

Kur kemi parasysh faktin se pronat e paluajtshme dhe të drejtat pronësore paraqesin vlerën më të çmuar mbi të cilin konstituohet sistemi ekonomik, juridik dhe politik i një shoqërie, nënkuptohet se edhe konsolidimi i çështjeve të pronave të paluajtshme në aspektin ligjor ndikon në mënyrë direkte në liritë dhe të drejtat e njeriut.

Pasojat që rrjedhin nga abuzimet në lëmin e qarkullimit të pronës së paluajtshme janë tejet të dëmshme për çdo shoqëri. Kjo, sjell jostabilitet për shoqërinë në përgjithësi, ndikon në dobësimin e institucioneve kryesore të shtetit, prandaj me të drejtë thuhet se mënyra më e lehtë për shkatërrimin e një shteti dhe të aparaturës së tij udhëheqëse është infiltrimi i krimit, duke përfshirë edhe këtë lloj të abuzimit.

Në shfaqjen e dukurisë së abuzimeve në lëmin e qarkullimit të pronës së paluajtshme ndikojnë shumë faktorë kriminogjen të natyrës subjektive dhe objektive, siç janë:

-Kushtet e vështira të banimit;

-Lufta dhe rrrethanat e luftës;

-Krizat ekonomike;

-Migrimi i njerëzve;

-Tranzicioni i shoqërisë;

-Mjetet e komunikimit publik-masmedia, etj.

Prandaj, rregullimi i mekanizmave institucionalë sot në Kosovë paraqitet si domosdoshmëri për parandalimine abuzimeve në lëmin e qarkullimit të pronës së paluajtshme. Kjo nënkupton reformat legjislative, konkretisht nxjerrjen e Ligjit mbi ndërmjetësimin në lëmin e qarkullimit të pronës së paluajtshme, etj.

Kuptimin e përgjithshëm të abuzimit në lëmin e qarkullimit të pronës së paluajtshme mund ta definojmë si: Veprimtari legale,gjysmëlegale dhe ilegale,ku parimisht kryes paraqiten subjektet e ndryshme fizike dhe juridike,të cilët ndërmarrin veprime abuzive në formë individuale ose të organizuar në lëmin e qarkullimit të pronës së paluajtshme,me qëllim të realizimit të ndonjë përfitimi personal ose material në mënyrë të kundërligjshme.

Me qëllim të parandalimit të këtyre abuzimeve Ndërmarrja Konsulente "IMMOBILIA" me seli në Prishtinë ofron shërbime profesionale me siguri të plotë juridike për klientelën e vet.

Motoja: PUNA E JONË - SIGURIA E JUAJ !